馬鞍山麥當勞女生不滿服務態度　潑水掟食物　職員報稱頭暈｜有片

Threads今日（26日）凌晨流傳兩段影片，顯示一名女生在麥當勞一邊持手機拍攝，一邊指摘一名紫髮女職員態度惡劣，同時要求男經理「主持公道」，怒罵「我有冇催過先？」，男經理嘗試調解，女生怒問「佢憑乜嘢對我態度咁差」，強調自己當時詢問「唔該，請問要等幾耐？」而已，女職員不滿捱罵，反駁「你態度好好咩」、「無聽到你講『唔該』」，女生繼續向男經理反映該名女職員「撩交嗌」。

另一段影片顯示，女生在取餐處旁邊自助水機斟水，繼而手持裝有清水的紙杯，走近取餐處潑向該名女職員，然後向她扔紙杯，雙方同樣要求報警，其間女生爆粗「X你老X臭X，𠵱家乜嘢態度」，她再次斟水，連水帶杯一起扔往女職員，連外賣食物都成為「暗器」，女生大叫「阻住你做嘢，唔好做啦」，女職員要求「唔好畀佢走」，男經理再次現身安撫女生，女生再次持手機拍攝，同時進入廚房位置「掃場」，之後前往鄰近房間，女職員要求鎖門，切勿讓她離開，影片便結束。

有網民目擊事件，表示「個女仔問『有未』，紫毛阿姐好大聲話『唔知，答你唔到』，女仔就話『你𠵱家咩態度，等得耐都唔畀問？』，然後個阿姐話問咗好多次，女仔覺得被人屈，繼續互噴，經理好專業全程好冷靜，女仔同經理投訴員工態度唔好，但經理表示判斷唔到，所以無辦法幫個女仔，叫佢上app投訴，其間職員都係轟緊，全程嘈交有人拍片」。

其他網民留言指「態度差，但人哋冇犯法，個女子就犯法」、「潑人水掟人杯已經傷人」，亦有網民關注片中女生精神狀態。

警方回覆《香港01》查詢時表示，今日（26日）凌晨1時12分，事件發生在馬鞍山西沙路632號一間商場的食肆，接獲職員報案指，上址有顧客搗亂，警員接報到場，有一名職員報稱頭暈，警方仍在調查案件，列作「投訴滋擾」和「病人」處理。

據了解，現場是麥當勞位於頌安商場的分店。