有片｜堅尼地道女子絆腳仆出馬路　的士司機及時扭軚獲讚神級反應

網上流傳一段的士的車cam影片，顯示今早（8日）該輛的士駛經灣仔堅尼地道途中，行人路上有一名女途人突然跌倒，整個人仆出馬路，險被撞上，情況相當驚險。司機及時扭軚閃避，不禁驚嘆「好彩遇着我」；網民亦抹一額汗，並紛紛留言稱讚司機反應快。

片段所見，的士沿堅尼地道上斜，至近灣仔牙科診所對開時，行人路上一名女途人突然跌出馬路。由畫面觀察，她準備停在路邊，疑自己腳絆腳失平衡跌倒，整個人向前仆出馬路。此時的士駛至幾乎撞上，幸司機及時扭右軚閃避、再扭左維持在原本行車線，未有越過對面車路，未致釀成慘劇。

網民紛紛留言稱讚司機，有人譽他為「神級反應」，亦有人稱「師兄呢段片真係可以做教材」、「勁，快扭過佢又冇撞到隔離（籬）」；甚至有人打趣稱「佢（女途人）條命以後係你嘅！」